|
Bujumbuura, (insidesomalia.org)-Wararka ka imaanaya Magaalada Bujumbuura ee Caasimada Wadanka Burundi ayaa sheegaya in la gudoonsiiyey lacag gaaraysa 50.000$ kun oo Doolar gaaraysa qoyskii uu ka dhashey Askari ka tirsanaa Ciidamada Burundi oo lagu diley Qarax uu geystey qof naftiisa biimeeyey oo ka dhacay Magaalada Muqdisho.
Askarigaasi oo lagu Magacaabi jirey Donatien Nkurunziza, oo ahaa Sarkaal ka mid ahaa Ciidamada Burundi ayaa waxaa lagu aasay maalinimadii shaley Deegaanka lagu magacaabo Mpanda oo ka tirsan Magaalada Caasimada ah ee Bujumbura.
Sergeant Nkurunziza ayaa waxaa aaskiisa ka qayb galey Madax ka tirsan Xukuumada Burundi, Saraakiisha Ciidamada Burundi iyo Ergeyga gaarka ah ee Midowga Afrika u qaabilsan arimaha Soomaaliya Nicolas Bwakira.
Mr. Bwakira ayaa tibaaxay in lacagta la siiyey Qoyska Askarigaasi ay tahay mid ah xaqiisii ama Magdhaw.
Weerarkii lagu diley Sakariga geeriyoodey ayaa waxaa fuliyey qof naftiisa biimeeyey waxaana weerarkaasi oo lagu qaaday Xarunta Ciidamada Burundi sheegtey Masuuliyadiisa kooxda Al-Shabaab oo ka soo horjeeda Dowladda Federaalka KMG ah ee Soomaaliya iyo Ciidamada ajanabiga ah ee gacanta siinaya.
Donatien Nkurunziza, ayaa ifka uga tagey xaas uur leh iyo afar Caruur ah sida ay sheegtey Wasaarada difaaca Dalka Burundi haweenay ka tirsan oo Warbaahinta Caalamiga ah lahadleysey.
 |
Siyaasadda | Africa 
Subscribe to this comment's feed